Son Xəbər: DİM sədri: Bayramdan sonra imtahan qrafikinin açıqlanması nəzərdə tutulur, Kobaxidze: Məqsədimiz regionda sülh və sabitliyi təşviq etməkdir, İlin son gününün havası açıqlanıb, Bakıda Dünya Azərbaycanlılarının Həmrəyliyi Günü və Yeni il münasibətilə atəşfəşanlıq olacaq, Prezident onlara Milli Qəhrəman adı verdi - Sərəncam, İlham Əliyev və Vladimir Putin qəza ilə bağlı məsələlərin müzakirəsini davam etdirib, “Rusiyanın bəzi şəhərlərinə uçuşların dayandırılması göstərişini mən vermişəm”, Prezident İlham Əliyev Azərbaycan Televiziyasına müsahibə verib - YENİLƏNİB, Prezident İlham Əliyev təyyarə qəzasında həlak olan ekipaj üzvlərinin vida mərasimində iştirak edib, FHN bayram günlərində gücləndirilmiş iş rejimində çalışacaq,

Qarabağa avtobus reyslərinə yanvar ayı üçün biletlər satışa çıxarılır

Tarix: 20-12-2024, 11:50

Dekabrın 25-də, saat 11:00-da Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə yanvar ayı üçün biletlər satışa çıxarılacaq.

Bu barədə Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyi məlumat yayıb.

Bakı-Şuşa, Əhmədbəyli-Şuşa, Bakı-Ağdam və Bərdə-Ağdam reyslərinə biletləri vətəndaşlar www.yolumuzqarabaga.az portalı üzərindən əldə edə bilərlər.

Bakı-Xocalı-Xankəndi-Şuşa, Bərdə-Xankəndi və Bakı-Laçın reyslərinə isə biletlər onlayn qaydada https://biletim.az/ portalı üzərindən əldə edilir.

Vətəndaşlar bilet almaq üçün şəxsiyyətini təsdiq edən sənəddəki məlumatları sistemə daxil etməlidirlər. Bilet yalnız şəxsiyyət vəsiqəsi ilə eyniləşdirilən vətəndaş tərəfindən istifadə oluna bilər. Onun başqa şəxsə ötürülməsi mümkün deyil.

İşğaldan azad olunmuş ərazilərə ilk müntəzəm avtobus marşrutları 2022-ci il yanvarın 24-də istifadəyə verilib. Bu günə qədər ümumilikdə 1 514 reys həyata keçirilib, 38 211 sərnişin işğaldan azad olunmuş əraziləri ziyarət edib.